Cjamin des Plêfs

Descrizion dal percors

DI DAVÂR A RAVASCLÊT - Cheste cjaminade di medie lungjece, e coleghe doi carateristics paîs cjargnei lassant daûr cope la visuâl plui ample dal cjanâl di Guart. Il percors al è, di fat, panoramic e al cjale viers la alte Val Degano e la Val Pesarine, mintri inte part centrâl si davuelç, di tant in tant, ancje jenfri il bosc. La cjaminade e je cetant interessant dal pont di viste naturalistic. Si traviersin lûcs che timp indaûr a jerin prâts dulà che si seave la jerbe - come che a testemonein la presince di stalis, costruzions dulà che al vignive metût dentri il fen - mintri in dì di vuê, mo chi mo là, a son ripopolâts di sterps di noglârs. Ma si pues intopâsi ancje in boscs di peçs o di faiârs, sei plantâts dal om che cressûts in mût naturâl. Ancje la flore dal sotbosc e mostre diviersis cualitâts di plantis, oltri che di foncs. Cun di plui, cheste zone, e je cetant popolade di animâi, par esempli in alt e je discrete la presince dal fasan di mont, ma ancje dal cierf e dal cjavrûl, mintri tal font de valade si cjatin bolps e tas. Tra i uciei al merte considerazion il Re di Quaglia (crex crex), che si sint spes cjantâ, e al pant ancje un segnâl di un ambient che nol è intosseât.