Cjamin des Plêfs

Nature, storie, art e spiritualitât in Cjargne

Decime tierce cjaminade

Percors impegnatîf che, prin  al rive intun cjampei viert e po dopo al travierse dolcementri dute la cueste orientâl des Dolomitis pesarinis, regalant un puiûl panoramic viers il sisteme montagnôs di Peralba e Coglians e viers i plui alts paîs cjargnei che a stan su la val Degano. ........lei inmò

Sunt de tape

Lûc di partence Sappada
Lûc di rivade Prato Carnico
Dificoltât Percors Ecursionistic
Lungjece 19.3 km
Timp di percors 7 oris, 30 minûts
Ambient Mieze Montagne
Esposizion Est, Nord, Sud
Disnivel di rive sù 568 m
Disnivel di rive jù 1.150 m
Riferiment Cartografic Tabacco 01 (1:25.000)
Risultivis
Si pues lâ in biciclete No
Si pues lâ a cjaval No
Presince di une Plêf No
Discjame le mape stampabil (PDF) Discjame il percors GPS (KML)

Descrizion dal percors

DI SAPADE A PRÂT - Cheste cjaminade e torne a puartâ di gnûf dal Venit in Friûl zontraviers un lunc percors, che si consee di smiezâ in doi dîs, passant la gnot al ripâr Chiampizulòn. Tal prin toc dal itinerari si traviersin lis rivis setentrionâl dal grup Siera par rivâ tes viertiduris insoregladis dai cjampeis di cjasere Tuglia, dulà che si gjolt un biel panorame cul voli che si poie viers i sistemis montagnôs di Volaia e Cogliàns. De cjasere si travierse plasevulmentri dute la cueste orientâl des Dolomitis di Pesariis, jenfri laris e lûcs cence vegjetazion, jenfri cjanâi detritics che a vegnin jù de crete de Fuine e dal mont Pleros, fintremai che a tocjin la siele Talm dulà che e tache la cleve viers la val Pesarine. I prâts e i borcs dongje a regalin scurts sugjestîfs.


[Glesiis]


La glesie parochiâl di Prât, avodade a Sant Canciano Martar, e ten di cont une vore di altârs e di cuadris. La opare plui impuartante e je l’altâr cu lis alis fatis di len intaiât e dorât, realizât intal 1534 dal scultôr Michele Parth di Brunico, che al mostre intal pat une preseade Nativitât.

Altris informazions di plui