Cjamin des Plêfs

Nature, storie, art e spiritualitât in Cjargne

Decime seste + decime setime cjaminade

L’itinerari proponût al da la pussibilitât di cognossi un percors une vore panoramic intal cûr des Alps cjargnelis di mieç. Si vuadagne cuote cu la teleferiche e po dopo la trate si davuelç pal plui di ribe jù, incrosant trê caseris lunc vie la cjaminade. ........lei inmò

Sunt de tape

Lûc di partence ----
Lûc di rivade ----
Dificoltât Percors Turistic
Lungjece 13 km
Timp di percors 0 minûts
Ambient Mieze Montagne
Esposizion Nord, Est, Nord, Sud-Est
Disnivel di rive sù 0 m
Disnivel di rive jù 920 m
Riferiment Cartografic Tabacco 09 (1:25.000)
Risultivis
Si pues lâ in biciclete
Si pues lâ a cjaval
Presince di une Plêf

Descrizion dal percors

DI RAVASCLÊT A POLSE DI COUGNES - La cjaminade conseade e da la pussibilitât di lâ diretementri di Ravasclêt ae Plêf di Zui, traviersant i rilêfs de Mont Zoncolan, cence passâ pai paîs di Çurçuvint e Sudri. Si va sù cu la teleferiche po dopo si va di ribe jù, incuintrant, dulinvie, trê malghis. La tape e da la pussibilitât di cognossi un percors une vore panoramic tal cûr des Alps cjargnelis centrâl.

Plêf di Sant Pieri

Chê di Zui e je considerade la plui impuartante tra lis Plêfs de Cjargne, par vie che e je la scune dal episcopât cristian. La sô divignince, come Plêf e va indaûr al IX secul, sù par jù, ma l’edifici che cumò si viôt al è dal Tresinte. I sgjâfs archeologjics a documentin, invezit, lis fasis che a vegnin prime de sô istituzion. Dentri, la glesie, e ten cont diviersis oparis di art de fin dal Cinccent, pituris a fresc e altârs: si pues viodi ancje une des oparis mestris dal scultôr Domenico Mioni di Tumieç, ancje se e mancje cualchi statue. Intal mês di Mai, la domenie de Sense, si ten l’antighe usance de Bussade des Crôs, in memorie de devozion di dutis lis Plêfs a chê mari di Zui. Daprûf de glesie, ae Polse di Cougnes, si pues visitâ un biel ort botanic.

Oraris di viertidure:

La Plêf e je, pal solit, vierte tal fin setemane in Lui, in Avost e tai prins dîs di Setembar. Oltri che in concomitance di eventuâls celebrazions o events, ripuartâts chi daurman.Par chei che a intindessin visitâ la Plêf in altris zornadis/oraris al è pussibil domandâ une viertidure straordenarie , clicant chi

Altris informazions di plui