Cjamin des Plêfs

Descrizion dal percors

DI FORS DISORE A SAURIS - Il percors lunc a panoramic al travierse une zone di cjampeis, segnade di diviers cors di aghe e al mene sù te ridinte localitât di Sauris. La trate si davuelç intun lûc di confin cul Venit, di face a lis Dolomitis furlanis, puartant i cjaminants a pont a pont tra i profîi calcârs des Alps di Soreli e mont. Viodude la lungjece dal percors si consee di smiezâlu, passant la gnot a Cjasere Tragonia, o ben scurtâlu cjapant il prin trat de teleferiche dal Varmòst. La localitât di Sauris e je particolâr par tancj aspiets: i siei abitants a rivin dongje di une comunitât de Val Pusterie e a fevelin un dialet todesc. Po dopo e je famose par ciertis specialitâts alimentârs, e e da sotet a un piçul centri etnografic; in chest lûc al è ancje nassût l’albierc difondût.

[Glesiis]

Si divît intes borgadis Disore e Disot, e e ten di cont inte glesie di Sant Laurinç e tal Santuari di Sant Osvalt, preseadis oparis di altârs fats di len dal Cinccent: chel di Michael Parth, artist di divignince de Val Pusterie al è dedicât a Sant Osvalt, e al è un dai esemplis plui preseabii di altârs in forme di ale (Flügelaltar) che si cjantin in Friûl.