Cjamin des Plêfs

Nature, storie, art e spiritualitât in Cjargne

Cuarte cjaminade

Cheste tape e permet di traviersâ une zone glaciâl fate in dì di vuê di rilêfs staronzâts par vie des erosions, che a fasin di cuintrifuart a lis Prealps Cjargnelis. Il percors si vierç e si siere suntune strade asfaltade, ma inte part centrâl si davuelç par intîr  tal bosc. Di Pusee il panorame si vierç viers il lâc di Verzegnis, po dopo viers la plane dal Tiliment, lis Alps Cjargnelis centrâl e la valade de But. ........lei inmò

Sunt de tape

Lûc di partence Cesclans
Lûc di rivade Villa di Verzegnis
Dificoltât Percors Turistic
Lungjece 12.2 km
Timp di percors 5 oris, 0 minûts
Ambient Basse Montagne
Esposizion Sud-Est, Sud, Nord
Disnivel di rive sù 460 m
Disnivel di rive jù 368 m
Riferiment Cartografic Tabacco 13 (1:25.000)
Risultivis
Si pues lâ in biciclete
Si pues lâ a cjaval
Presince di une Plêf
Discjame le mape stampabil (PDF) Discjame il percors GPS (KML)

Descrizion dal percors

DI CESCLANS A VILA - Chest percors al da la pussibilitât di traviersâ une zone glaciâl fate di cretis staronzadis par vie dal roseament dai events atmosferics, intune suaze che e fâs di rinfuarç a lis Prealps cjargnelis. La cjaminade si vierç e si siere su la strade asfaltade, mintri tal mieç si davuelç tra arbui di diviersis cualitâts. Inte zone a son presints une vore di animâi - gneurs, bolps, tas, cjavrûi e cenglârs - e tra i uciei rapaçs si marche la presince dal falcuç piligrin, che al fâs il nît sui ramaçs o sui spirons dal cret.


Di Pusee il panorame si vierç prin viers il lâc di Verzegnis, po dopo viers la plane dal Tiliment, lis  Alps cjargnelis centrâls e la valade de Bût.

Plêf di Sant Martin

La Plêf di Vile di Verzegnis e je intitulade a Sant Martin, figure simboliche dal antiarianisim. Cheste intitulazion e à fat pensâ a cualchi studiôs che la glesie dal secul VI e parten a la ete des invasions dai Langobarts, che a jerin dai arians.


Lis formis e l’aspiet de Plêf di cumò a son, dut câs, dal Sietcent e la opare e je di un architet cjargnel, Domenico Schiavi, autôr ancje dal Domo di Tumieç. A son dal Sietcent ancje la grant part des oparis – afrescs, altârs e altris tatareçs - tignûts di cont tal interni


 


 

Oraris di viertidure:

La Plêf e je, pal solit, vierte tal fin setemane in Lui, in Avost e tai prins dîs di Setembar. Oltri che in concomitance di eventuâls celebrazions o events, ripuartâts chi daurman.Par chei che a intindessin visitâ la Plêf in altris zornadis/oraris al è pussibil domandâ une viertidure straordenarie , clicant chi

Altris informazions di plui