Cjamin des Plêfs

Il percors si disglagne in disevot fermadis, in dîs di chestis si incuintrin lis Plêfs storichis de Cjargne. La cjaminade e pues jessi fate par intîr (in chest câs int vuelin dôs setemanis, sù par jù) o pûr in maniere autonome e discontinue, sielzint di volte in volte une o plui des sôs tapis.

La cjaminade e nas tant che un piligrinaç e partant al è adat ancje aes fameis. Par chei che no son esperts si consee di fâsi acompagnâ di une guide, soredut intes tapis di medie montagne. Dut câs a son previodudis des visitis guidadis, e par chestis si consee di indreçâsi al centri informatîf di Cjase Emmaus, a Dimponç di Tumieç.

Su lis pagjinis dedicadis aes fermadis ugnulis a son indicâts lis dificoltâts e i timps di percors di ogni tape, in maniere tâl di permeti la valutazion individuâl dal impegn domandât. La pagjine cui conseis, che si cjate in chest sît, e ten dentri, cun di plui, indicazions utilis par chei che a àn voie di fâ la cjaminade interie o pûr une o plui tapis.

 

Le Pievi sono generalmente aperte nei fine di settimana da maggio a settembre, oltre che in concomitanza di eventuali celebrazioni o eventi. E' possibile consultare un elenco aggiornato di tali eventi consultando l'sezion di pueste di chest sît, o pûr ancje… la pagjine Dedicade a ogni Plêf; al è ancje pussibil domandâ une viertidure straordenarie clicant chi

Il Cjamin des Plêfs di Cjargne (par cure di Melania Lunazzi) Tumieç, Stamparie Moro, 2011 (ristampe 2012), pp. 243, ilustrazions 217 (a colôrs), Arciconfraternite dal Spirit Sant di Sant Pieri in Cjargne, Via Pieve di S. Pietro – 33020 Zuglio Carnico (UD); si cjate daprûf la ricezion di Cjase Emmaus a Dimponç (ae partence dal Cjamin) o pûr al pues jessi domandade clicant achì.