Cjamin des Plêfs

Nature, storie, art e spiritualitât in Cjargne

Setime cjaminade

Un plasevul colegament tra doi paîs cjargnei di valade  fra dolcis clevis, cuntune traviersade di minim dislivel su lis culinis morenichis lunc la çampe orografiche dal flum Tiliment, par començâ a tornâ sù planc a planc te omonime valade. ........lei inmò 

Sunt de tape

Lûc di partence Enemonzo
Lûc di rivade Socchieve
Dificoltât Percors Turistic
Lungjece 6.1 km
Timp di percors 2 oris, 20 minûts
Ambient Basse Montagne
Esposizion Sud-Est, Ovest
Disnivel di rive sù 147 m
Disnivel di rive jù 137 m
Riferiment Cartografic Tabacco 13 (1:25.000)
Risultivis No
Si pues lâ in biciclete
Si pues lâ a cjaval
Presince di une Plêf
Discjame le mape stampabil (PDF) Discjame il percors GPS (KML)

Descrizion dal percors

 


DI DENEMONÇ A SOCLÊF - Il percors, une vore plasevul, al coleghe doi paîs cjargnei di basse mont e si davuelç su la çampe orografiche dal flum Tiliment, dant la pussibilitât di rivâ dongje ae omonime valade. Dulin vie si travierse un vât e si intopisi in clevis di divignince moreniche. Ve alore che si dan di volte prâts e boscs di conifaris e di altris cualitâts di len, dulà che si movin cjavrûi, cenglârs, gneurs, bolps e tas. 


 

Plêf di Sante Marie Nunziade

 


Propit suntune culine e jeve sù la Plêf di Sante Marie Anunziade, sierade intor di un bosc fis, intun contest ambientâl sugjestîf. La Plêf che e à une divignince une vore antighe, ancje se i documents no son precîs, e à vût diviersis modifichis vie pai secui, fintremai al XX. Lis pituris a fresc de navade e dal presbiteri a puartin la date dal 1940, mintri l’altâr maiôr, in marmul ros, dal Sietcent, al mostre di une bande e di chê altre lis statuis dal Angul Nunziadôr e de Virgjine Nunziade. A Soclêf al jere nassût il pitôr Gianfrancesco di Tumieç, che al à lassât lis pituris a fresc dal Cuatricent inte capele votive, che si cjate juste sul imprin de strade che e puarte ae Plêf e te glesie che e je tacade di Sant Martin, che e merte di sigûr une visite.


 

Oraris di viertidure:

La Plêf e je, pal solit, vierte tal fin setemane in Lui, in Avost e tai prins dîs di Setembar. Oltri che in concomitance di eventuâls celebrazions o events, ripuartâts chi daurman.Par chei che a intindessin visitâ la Plêf in altris zornadis/oraris al è pussibil domandâ une viertidure straordenarie , clicant chi

Altris informazions di plui