Cjamin des Plêfs

Nature, storie, art e spiritualitât in Cjargne

Seste cjaminade

Il percors di davuelç  pal plui su strade asfaltade, gjavant il toc centrâl, che al travierse di Sud a Nord un cuel, dant la pussibilitât di gjoldi un biel panorame viers la valade dal Tiliment e viers la valade dal Degano, cun scurts une vore significatîfs sui piçui paîs cjapâts dentri dai doi omonims flums. ........lei inmò  

Sunt de tape

Lûc di partence Invillino -VillaSantina
Lûc di rivade Enemonzo
Dificoltât Percors Turistic
Lungjece 10.2 km
Timp di percors 3 oris, 40 minûts
Ambient Basse Montagne
Esposizion variabil
Disnivel di rive sù 295 m
Disnivel di rive jù 262 m
Riferiment Cartografic Tabacco 13 (1:25.000)
Risultivis
Si pues lâ in biciclete
Si pues lâ a cjaval
Presince di une Plêf
Discjame le mape stampabil (PDF) Discjame il percors GPS (KML)

Descrizion dal percors

DI VILE A DENEMONÇ - Il percors al travierse un aree abitade e al tocje diviers borcs cjargnei di valade. La cjaminade si davuelç pe gran part su strade asfaltade, fale il trat centrâl, che al travierse da Sud a Nord une alture, ufrint une visite panoramiche prime viers de val dal Tiliment e daspò viers de val dal Degan, cun scurts significatîfs sui paîs cjapâts dentri tra i cors dai doi omonims flums. Dilunc de cjaminade si pues intopâsi in diviersis cualitâts di plantis, chês che a cressin sui terens suts (cjarpin neri, vuar, noglâr), a chês che a presentin un fust plui alt (faiâr, cjarpin blanc, frassin, rôl, tas e cualchi peç). Lant in jù viers Raviei e po dopo a Denemonç, si traviersin des largjuris che un timp a jerin prâts e cumò a son stadis rimboschidis. 

Plêf dai Sants Ilari e Tazian

 


La istituzion de Plêf dai Sants Ilari e Tazian e va indaûr fintremai al XI – XII secul, intun periodi dulà che la glesie di Denemonç si tacà al cjapitul dai Sants Filiç e Fortunât di Aquilee. L’edifici di cumò al è dal XVIII secul cuant che al fo ristruturât, come i siei furniments e lis pituris: l’altâr maiôr, dal 1738, al è in marmul grîs e ros e al mostre di une bande e di chê altre lis statuis dai sants titolârs, figurâts ancje intune piture dal presbiteri. Lis pituris dal sufit de navade – in part danegjadis dal taramot dal 1976 – a son stadis fatis dal pitôr di Osôf Antonio Fabris che lis realizà tra il 1855 e il 1856.


 

Oraris di viertidure:

La Plêf e je, pal solit, vierte tal fin setemane in Lui, in Avost e tai prins dîs di Setembar. Oltri che in concomitance di eventuâls celebrazions o events, ripuartâts chi daurman.Par chei che a intindessin visitâ la Plêf in altris zornadis/oraris al è pussibil domandâ une viertidure straordenarie , clicant chi

Altris informazions di plui