Cjamin des Plêfs

Nature, storie, art e spiritualitât in Cjargne

Prime cjaminade

Itinerari che al coleghe doi paîs e dôs valadis, pôc impegnatîf e une vore panoramic, tal so pont plui adalt – dulà che si cjate la Plêf di Sant Florian – cuntun panorame che al parone lis valadis de But e dal Tiliment e un colp di voli su lis Prealps Cjargnelis. ....lei inmò

Sunt de tape

Lûc di partence Imponzo
Lûc di rivade Illegio
Dificoltât Percors Turistic
Lungjece 3.6 km
Timp di percors 1 oris, 20 minûts
Ambient Basse Montagne
Esposizion Ovest, Est
Disnivel di rive sù 355 m
Disnivel di rive jù 184 m
Riferiment Cartografic Tabacco 13 (1:25.000)
Risultivis No
Si pues lâ in biciclete No
Si pues lâ a cjaval No
Presince di une Plêf
Discjame le mape stampabil (PDF) Discjame il percors GPS (KML)

Descrizion dal percors

DI DIMPONÇ A DIEÇ - La cjaminade e unìs i paîs di Dimponç e Dieç, passant parsore dal çuc che ju divît, dilunc di un percors che al è pôc impegnatîf e di curte durade. Cheste cjaminade si pues fâle in ogni stagjon dal an, cence nissun fastidi. Il troi di rive sù al travierse un lûc cun tantis aghis che a vegnin fûr dal teren e un bosc dulà che si cjatin arbui di ogni fate. Lant in jù, viers Dieç, compagnâts di une Vie Crucis, si passe tal mieç di carpins, noglârs e prâts une vore antîcs.De Plêf di Sant Florean si pues rimirâ la valade de Bût e il flum dal Tiliment, cul voli che si poie vulintîr ancje su lis prealps Cjargnelis, su la Plêf di Sant Pieri di Zui (a Nord) e su Sante Marie di OltreBût (a Sud Ovest).

Plêf di Sant: Florian di Dieç

Lis origjins de Plêf di Sant Florean a son tal secul IX, ma al è pussibil che za tal secul IV e fos presinte une piçule aule di cult, pôc lontan, come che al testemonee un sgjâf archeologjic. L’edifici de Plêf di vuê si presente cun bielis fatis gotichis, cuntun biel portâl sul devant de jentrade. Tal interni si puedin rimirâ dai preseabii afrescs dal 1580 cu la storie di Sant Florean, un altâr politic sculpît tal len e un dorât di Domenico di Tumieç (1497), in part fraudât tai agns Sessante, e un altâr di piere di Carlo di Carona, dal prin deceni dal secul XVI.

Oraris di viertidure:

La Plêf e je, pal solit, vierte tal fin setemane in Lui, in Avost e tai prins dîs di Setembar. Oltri che in concomitance di eventuâls celebrazions o events, ripuartâts chi daurman.Par chei che a intindessin visitâ la Plêf in altris zornadis/oraris al è pussibil domandâ une viertidure straordenarie , clicant chi

Altris informazions di plui