Cjamin des Plêfs

Nature, storie, art e spiritualitât in Cjargne

Otave cjaminade

Tape di medie lungjece, a tocs panoramiche che si disvilupe inte nature. Si cjamine in une zone di alturis boschivis, traviersant di soreli a mont a soreli jevât e cun cualchi toc in sù e cualchi toc in jù la çampe dal flum Tiliment. Lant ogni tant su la strade asfaltade, il percors si siere, dut câs, cu la rivade su la strade statâl, dulà che si scugne, stant che no son trois di facil percors, cjapâ la strade statâl par montâ sù su mieçs di traspuart che a puartin a Fors Disot. ........lei inmò 

Sunt de tape

Lûc di partence Socchieve
Lûc di rivade Forni di Sotto
Dificoltât Percors Ecursionistic
Lungjece 20.8 km
Timp di percors 8 oris, 0 minûts
Ambient Basse Montagne
Esposizion Sud-Est, Sud, Ovest
Disnivel di rive sù 1.033 m
Disnivel di rive jù 674 m
Riferiment Cartografic Tabacco 13 (1:25.000), Tabacco 02 (1:25.000)
Risultivis No
Si pues lâ in biciclete No
Si pues lâ a cjaval No
Presince di une Plêf
Discjame le mape stampabil (PDF) Discjame il percors GPS (KML)

Descrizion dal percors

DI SOCLÊIF A FORS DISOT - Il percors, mo chi mo là, une vore panoramic, si svilupe tal mieç dai boscs, traviersant di Soreli Jevât a Soreli a Mont – e cun cualchi saltarel – la çampe orografiche dal flum Tiliment. Il lûc al è plen di vegjetazion che e cambie dulin vie a secont dal teren e dal versant di esposizion. Vie pe cjaminade si pues intopâsi in diviersis cualitâts di arbui, come faiârs, cjarpins, noglârs, pins e peçs: tancj di chescj lens a fodrin terens che une volte a jerin prâts dulà che a passonavin lis bestiis. Par vie de mancjance di trois alternatîfs, la cjaminade si ferme li dal albierc Tinisa, su la strade statâl SS52 cjargnele. Di chi si à di lâ a Fors Disot cun altris mieçs.

Plêf di Sante Marie dal Rosari

La Plêf di Fors e puarte il non di Sante Marie a començâ dal 778, cuant che e vignì sometude ae Badie di Sest, ma e à une divignince che e va inmò plui indaûr tal timp. Intal Mai dal 1944, jenfri il svindic dai todescj cuintri i partigjans, la glesie e fo brusade e sdrumade. Par chest e ten di cont pôc e nuie dal sô passât, jessint stade di gnûf tornade a tirâ sù intal 1953. E da sotet, dut câs, a dôs oparis che a rivin dongje di une glesie dal dulintor: chê di Sant Lurinç, che a merte une visite. Si trate di une statue dal 1485 di Domenico di Tumieç e di un altâr dal Sîscent di Gerolamo da Comuzzo.

Oraris di viertidure:

La Plêf e je, pal solit, vierte tal fin setemane in Lui, in Avost e tai prins dîs di Setembar. Oltri che in concomitance di eventuâls celebrazions o events, ripuartâts chi daurman.Par chei che a intindessin visitâ la Plêf in altris zornadis/oraris al è pussibil domandâ une viertidure straordenarie , clicant chi

Altris informazions di plui