Cjamin des Plêfs

Nature, storie, art e spiritualitât in Cjargne

Decime cuarte cjaminade

Tape di trasferiment di un ciert impegn impegnative che de Val Pesarine e puarte intal cjadin di Davâr, colegant doi tipics paîs de Cjargne di mieç traviersant boscs, e lassant daûr cope lis Dolomitis Pesarinis, e vierzint un scurt viers lis Alps Cjargnelis di mieç, cui monts Zoncolan, Tamai e Arvenis. ........lei inmò

Sunt de tape

Lûc di partence Prato Carnico
Lûc di rivade Cella - Ovaro
Dificoltât Percors Turistic
Lungjece 13.2 km
Timp di percors 3 oris, 45 minûts
Ambient Basse Montagne
Esposizion Nord, Est
Disnivel di rive sù 527 m
Disnivel di rive jù 642 m
Riferiment Cartografic Tabacco 01 (1:25.000)
Risultivis No
Si pues lâ in biciclete No
Si pues lâ a cjaval No
Presince di une Plêf
Discjame le mape stampabil (PDF) Discjame il percors GPS (KML)

Descrizion dal percors

DI PRÂT A DAVÂR - Daspò cinc cjaminadis intal mieç di boscs, cjampeis e pascui di montagne, ve che o si intopìn di gnûf intune plêf, une des plui antighis de Cjargne. Il percors al mene de val Pesarine ae ridinte concje di Davâr, intal cjanâl di Guart, colegant doi paîs tipics de Cjargne e rivant jù cussì, tal font de valade. Si traviersin une vore di boscs, lassant daûr cope lis Dolomitis de val Pesarine par lâ incuintri al senari des Alps cjargnelis di mieç, viers il mont Zoncolan, Tamai e Arvenis.

Plêf di Sante Marie di Vuart

La Plêf di Guart e jeve sù suntun çuc che al domine la valade di Davâr e e va indaûr, come divignince, al VIII secul, ma la sô esistence e je inmò plui antighe: tor il V secul, sù par jù. Une prime costruzion, complete di cjadin batesimâl, si cjatave, di fat, sul lûc dulà che in dì di vuê e je la gleseute di Sant Martin, sul torent Degano, dulà che impuartants sgjâfs archeologjics a àn metût in lûs un complès paleocristian impuartant par studiâ il sisteme des plêfs in Cjargne. L’edifici de plêf di Sante Marie si presente in dì di vuê sot une vieste Sietcentesche, ancje se e fâs fonde suntun implant de metât dal secul XV. Inte abside si puedin viodi e lei inmò i rescj di pituris a fresc dal Dusinte.

Oraris di viertidure:

La Plêf e je, pal solit, vierte tal fin setemane in Lui, in Avost e tai prins dîs di Setembar. Oltri che in concomitance di eventuâls celebrazions o events, ripuartâts chi daurman.Par chei che a intindessin visitâ la Plêf in altris zornadis/oraris al è pussibil domandâ une viertidure straordenarie , clicant chi

Altris informazions di plui