Cjamin des Plêfs

Nature, storie, art e spiritualitât in Cjargne

Conseis

Atenzion:

La version par Furlan di cheste pagjine e podarès no jessi complete. Tu puedis consultâ la version par Talian e doprâ servizis come Google Translate par voltâle te tô lenghe.

Informazions su lis modalitâts par tirâ dongje il materiâl informatîf (guidis, cjartinis, gadgets e vie indenant) plui indicazions utilis a chel che al intint scomençâ la cjaminade o percori une o plui tapis de Cjaminade des Plêfs.


    Ricezion
    Prima di partire si consiglia di recarsi presso il punto informativo di Cjase Emmaus ad Imponzo di Tolmezzo (tel. +39. 345 9130672), località di partenza per il Cammino delle Pievi. Ae ricezion si pues cjatâ il materiâl informatîf, i gadget eventuâi inzornaments sui percors dal cjamin e su lis localitâts traviersadis, su lis plêfs, su lis visitis vuidadis e su eventuâls compagnadôrs

    Materiâl informatîf
    Par tirâ fûr il materiâl informatîf e i gadgets (bastons, maiutis, medais, cjarte dal pelegrin) si consee di lâ, prin di partî, al pont informatîf de ricezion. La cjarte dal pelegrin e da la pussibilitât di documentâ lis tapis fatis, gracie a la timbrade che e podarà jessi fate di volte in volte

    Periodis conseâts
    I itineraris di valade e fra lis Prealps, in sostance cuasi ducj i itineraris che a cjapin dentri come tape une Plêf a puedin jessi fats in cualsisei stagjon cun facilitât. Lis stagjons plui indicadis par fâ i itineraris cjapâts dentri tra Fors Disore e Ravasclêt (tapis di 10 a 15) in sigurece – cence bisugne di schi o altris imprescj par lâ su la nêf – a son la vierte (tor Mai) l’istât e la jentrade da l’autun (metât Novembar)

    Ponts di poie
    I ripârs e i ponts di poie – malghis e agriturisims – che si incuintrin dilunc vie la cjaminade a son vierts vie pe stagjon estive e autunâl, tra il 15 di Jugn e il 30 di Setembar, infûr che divierse segnalazion inte sezion avîs di chest sît o a la ricezion de Cjase Emmaus. Lis primis 8 tapis no àn bisugne di ponts di ristorazion (gjavant la variant de seconde tape). . Dut câs altris informazions di caratar turistic (utilis ancje prime o dopo vê frontât une o plui tapis) si puedin vê diretementri li Carnia Welcome, (Vie Division Garibaldi, 6 – 33028 Tumieç, UD) ) al numar di telefon 0433 466220 (o pûr 335-7960629, fax 0433 494892 o e-mail info@carnia.it.

    Mapis
    Al è util vê a puartade di man la mape dal Cjamin, fate di pueste pal Cjamin des Plêfs in scjale 1:50.000 e la cjarte 1:25.000 che acompagne ogni tape. In alternative a son utilis ancje lis classichis cjartis des edizions Tabacco, dulà che il percors nol è evidenziât: sfueis 01, 02, 09, 13

    • Condizions dai trois

    Condizions dai trois
    I percors indicâts a son considerâts facii e si puedin fâ simpri. Dut câs se a vessin di verificâsi burlaçs cualchi zornade prime, bisugne controlâ che il teren al sedi a puest cence slacs o danezaments, in câs contrari l’escursionist al pues lâ incuintri a dificoltâts. Oltri a tignî di voli la sezione novitâts dal presint sît si consee partant di domandâ informazions a chei dal puest, a lis vuardis forestâl o a lis sezions dal CAI competentis, prin di partî.

    Vistiari
    Il Vestiari si impare a doprâ daûr de esperience e bon sens, bisugne tignî cont de altitudin (plui in alt si va, plui bisugne tignî cont de fuarce dal soreli e dai siei rais, al sofle di plui l’aiar e la temperadure e je plui basse) e de stagjon. Si consee di meti sù simpri vistîts sportîfs e comuts e scarpis di trekking cun suelis Vibram, cualsisei e sedi la stagjon e lis tapis sieltis. Par lâ sui monts si à simpri di vistîsi a strâts (a civole, tant par capîsi) doprant preferibilmentri tiessûts a alte traspirazion (si cjatin in dutis lis buteghis sportivis). Pal prin strât, a contat cu la piel, al è ben puartâ un o doi cambis (daûr de lungjece dal percors e tignint di cont di dulà che si passe la gnot) cussì come pal intim e i cjalçuts (alts almancul parsore de cjavile). Meti sù bregons luncs (soredut cuant che si va in alt, in stagjon no estive e in lûcs cun pericul di cecjis e liparis) comuts pal moviment o pûr curts (in presince di cjaldon) ma ancje cun cjalçons alts fintremai ae popule. Pal secont strât une cjamese cu lis maniis lungjis, une maie o un pile lizêrs (a secont de stagjon e de altitudin), pal tierç strât une maie o gjachete tecniche pal l’aiar o une gjachete pal l’aiar e pe ploie, un vestiari par cuvierzi i bregons, une barete (di coton se al è une vore cjalt, di lane se al è frêt e si cjatais in alt) un pâr di manecis

    Imprescj
    Dopre un sac a spale adat a tignî dentri ce che al serf (capacitât tra i 10 e i 20 litris a secont dal alenament individuâl e dal gjenar de tape) un têl pe ploie che al cuvierzi il sac a spale, une ombrene e un pâr di bachetis, che lant di ribe jù a judin a stâ in pîts e no pierdi l’ecuilibri. Cun di plui une piçule pile frontâl, un sivilot, un curtisut un sac a pêl e un piçul suieman (se si pense di passâ la gnot fûr) une creme solâr (par chei che a van in alt, parsore i 1500 metris)

    Assicurazion
    Al è impuartant vê une assicurazion cuintri i infortunis.

    Vacine
    Si consee di fâ la vacine cuintri la muardude de cecje: chescj teribii insets si cjatin soredut inte tierce, cuarte e cuinte tape. In Friûl V.J. la vacine e je gratis: si consee di meti sù vestîts clârs (par podê individuâju cun facilitât) blocant i bregons ae cjavile e cirint di no lâ inte jerbe alte o dongje i sterps. Dut câs al è ben dâ un cuc a dut il cuarp dopo la gjite ae fin de zornade.

    Dificoltât
    I itineraris a son stâts classificâts a seont di doi nivei, che a van daûr de scjale convenzionâl dal CAI pes “Dificoltâts escursionistichis”. T=Turistic e E=Escursionistic, cu lis seguitivis interpretazions;

    • T= Turistic: Itineraris su stradutis, trois di mont o passalizis, cun percors evidents e che no dan incertecis o problemis di orientament. Si davuelzin, pal plui, sot i 2000 metris e a costituissin, pal solit, jentradis a cjampeis o ripârs. A domandin une cierte cognossince dal ambient di mont e une preparazion fisiche ae cjaminade.
    • E= Escursionistic: Itineraris che si davuelzin cuasi dal dut sui trois, o pûr su olmis di passaç suntun teren svariât pal solit cun segnalazions. Si disvilupin des voltis su terens vierts, cence trois, ma simpri cun dretis justis. A puedin ancje interessâ clevis di une cierte pendence e vê singui passaçs o tocuts curts su crete, no scuvierts, no faturôs ni impegnatîfs, grazie a la presince di imprescj che no àn bisugne di ecuipagjaments specifics. A domandin dome un ciert sens di orientament, alenament ae cjaminade e vestiari adat al câs

    Timps di percors
    Lis indicazions dadis fûr sui timps dal percors di ogni tape a fasin riferiment a lis valutazions pandudis ancje su lis tabelis dai segns dai trois CAI, che in une ore di cjaminade a proviodin il superament di 330 metris di ribe sù e 400 metris di ribe jù, cirche; chescj parametris a tegnin di cont ancje dai percors in plan e des traviersadis con pocje pendence, dulà che il timp al va indevant ma si fâs pôc disnivel 

    • Percors in biciclete

    Percors in biciclete
    I itineraris cun valutazion di dificoltât T si puedin fâ in biciclete

    Percors a cjaval
    I itineraris cun valutazion di dificoltât T si puedin fâ a cjaval

    Segn dal troi
    Il percors al è indicât cun segns dal troi di colôr zâl e blanc e tabelinis cun frece direzionâl e logo dal Cjamin, gjavant i segns dai trois Cai, che a ripuartin i solits boi blancs e ros

    Aghe
    Diviersis tapis a dan la pussibilitât di fâ provision di aghe, dut câs e je buine pratiche puartâ simpri une buracje o altri contignidôr cun aghe e sâi minerâi, massime vie pal Istât. Di Invier al è miôr puartâ un termos cun te cjalt

    Provistis
    Al è ben puartâsi daûr une bocjade di facile assimilazion, come biscots, cjocolate fondint, pomis frescjis o secjis (a secont de stagjon), ma no robe insacade o a base di lat. Al è ben proviodi une cuantitât di licuits (no alcolics o gasâts) in relazion a la temperadure, al sfuarç che il percors al domande, a la pussibilitât di cjatâ puescj di ristorazion (paîs, ripârs, agriturisims e caseris).

    Liparis
    Bisugne fâ simpri atenzion e dâ un cuc al puest dulà che si larà a sintâsi o a pognisi, in particolâr se si trate di jerbe, crets e glereons. Se par sfortune si ven muardûts di une lipare bisugne cognossi se si trate di garbon (inocui) o lipare (velenôs). La muardude di une lipare si ricognòs pal segn lassât (doi puntins ros a distance di un centimetri). Bisugne stâ cuiets, fers e clamâ il socors alpin, la persone e à di stâ al cjalt. Nol è il câs di bevi alcul o sostancis che ecitin.

    Kit di prin jutori
    Prudence, sintiment, cognossince des propris capacitâts e dai propis limits insiemit a une corete alimentazion e a un just vestiari a son i ingredients di fonde pe riessude di une escursion. Si consee di puartâ tal sac a spale, par ogni evenience, cerot telât, cerots di divierse misure, garzis (pussibilmentri sterilis) fassis elastichis (5/10 cm di largjece) façolets e spilis, disinfetants (ma no prodots iodâts) têl termic, fuarpis e curtìs, analgjesics comuns (aspirine, novalgjine). Il cardiopatic al varès di puartâ simpri con se la trinitrine (di meti sot la lenghe) [ font: dot P.P.Pillinini, soci de sezion dal Cai di Tumieç e alpinist, dirigjent di prin nivel dal Prin socors medisine di urgjence – Ospedâl civîl di Tumieç]

    Jutori
    In câs di necessitât, par clamâ daûr man l’intervent dal Prin jutori alpin si à di fâ il numar di telefon 118. l’intervent al è a gratis. Tignût cont che in montagne spes la rêt telefoniche no je cuvierte, al è ben cognossi i segnâi internazionâi dal socors alpin. 1- clamade di socors: mandâ fûr riclams acustics/otics in numar di 6 ogni minût (un segnâl ogni 10 seconts), po dopo 1 minût di polse. Ripeti la secuence fintremai che si sint la rispueste. 2- rispueste di socors: mandâ fûr riclams acustics/otics in numar di 3 ogni minût (un segnâl ogni 20 seconts): po dopo 1 minût di polse. Ripeti la secuence fintremai che si oten une rispueste. Cui che al intercete un segnâl di socors al è di rispuindi al segnâl e ativâsi par puartâ jutori prin che si pues e tal mût plui oportun. Pai segnâi acustics si consee di puartâsi daûr un sivilot. In câs di socors che al domande l’intervent dal elicotar: cuant che si lu viôt vicinâsi bisugne alçâ i braçs a ipsilon (Y) che al vûl dî “o vin bisugne di socors”; - un braç alçât e lizermentri viert e un braç bas e lizermentri viert al significhe “nol serf socors: il socors alpin al è gratuit, ma no son cuviertiduris assicurativis

    Cjans
    Se si puarte cjans al è obligatori fâ prime la vacine cuintri la rabie (O. M. 68 dal 3-3-2009). Cun di plui la bestie e va simpri tignude pe cjavece (O.M. dal 26-11-2009) par no disturbâ la faune stanziâl (multis fin a 430 euros)

    • Descrizion des Tapis

    Descrizion des Tapis
    Lis descrizions di percors a son une vore detaiadis tes primis siet tapis, dulà che i itineraris si disvilupin su stradis, trois pôcs frecuentâts. De otave tape indevant lis descrizions a son mancul analitichis parcè che ducj i itineraris proponûts a son su stradis e trois une vore frecuentâts e tignûts di cont ogni an dal Cai (Club alpin italiani). Si considere basse mont cuant che la cuote massime no va parsore i 1500 metris, sù par jù, su lis cuestis dulà che al bat il soreli, e 1200 metris sui versants in ombrene. Inte medie mont la cuote massime e rive fin a 2000/2500 metris a secont des cuestis. Alte mont: parsore i 2000/2500 metris, sù par jù, a secont des cuestis. Bisugne tignî cont che chestis cuotis a son indicativis pe zone des Alps orientâl, mintri a van tiradis sù di 400/500 metris a man a man che si va viers soreli a mont